«Manchester Siti»ning yaqinda bosh murabbiyi etib tayinlangan Enso Mareska jamoa sardori Ruben Diash haqidagi fikrlari bilan o‘rtoqlashdi.

Portugaliyalik markaziy himoyachi vatandoshi Bernardu Silva klubni tark etganidan so‘ng jamoa sardori bog‘ichini oldi.

«Bu yerda o‘tkazgan vaqti davomida Ruben futbolchi va yetakchi sifatida qanchalik yaxshi ekanini ko‘rsatdi.

Sardorlar nima sababdan aynan sardor etib tanlanganini tushunishi muhim. Men ulardan ko‘proq narsa kutaman, ammo bu ularda qandaydir ustunlik yoki imtiyozlar bor degani emas. Aksincha, barchasi teskari. Men uchun sardorlar va yetakchilar guruhi — birinchi navbatda o‘zini namoyon qilishi kerak bo‘lgan, har qanday vaziyatda eng katta talab qo‘yiladigan futbolchilardir», — deya Mareskaning so‘zlarini keltiradi City Xtra.