"Chelsi" bosh murabbiyi Xabi Alonso "Real Sosyedad"ga qarshi o‘rtoqlik uchrashuvida qozonilgan 3:1 hisobidagi g‘alabadan so‘ng jamoasining o‘yini va muxlislar qo‘llab-quvvatlovi haqida fikr bildirdi.
Londonliklar yangi Premyer-liga mavsumini 24 avgust kuni "Fulxem"ga qarshi uchrashuv bilan boshlaydi.
"Yangi uy stadionimizda birinchi marta o‘ynash juda yoqimli bo‘ldi. Muxlislarning jamoaga, yangi xodimlarga va shaxsan menga bo‘lgan munosabati ajoyib edi. Shu sababli men juda xursandman.
Biz muxlislar bilan yaxshi aloqa o‘rnatishni va ularning qo‘llab-quvvatlovini doimo his qilishni istaymiz. Maydonda yaxshi futbol ko‘rsatmoqchimiz, toki ular ham bizga o‘z energiyasini bersin va o‘zaro hamjihatlikni his qilaylik. Stadiondagi yaxshi muhit bizga juda katta yordam beradi.
Bu mavsumoldi tayyorgarligimizdagi juda yaxshi so‘nggi o‘rtoqlik uchrashuvi bo‘ldi. O‘yinimizda yaxshi jihatlar ham, yana yaxshilashimiz kerak bo‘lgan vaziyatlar ham bor edi. Ayrim futbolchilar uchun tayyorgarlikning hozirgi bosqichida bu odatiy hol.
Endi "Fulxem"ga qarshi o‘yinga tayyorgarlik ko‘rish uchun ixtiyorimizda to‘liq bir hafta bor", — deya ispaniyalik mutaxassisning so‘zlarini ESPN keltiradi.
