«Bavariya» va Angliya milliy jamoasi hujumchisi Xarri Keyn «Oltin to‘p»ni qo‘lga kiritish imkoniyati haqida fikr bildirdi.

«Bu futbolchi erishishi mumkin bo‘lgan eng nufuzli individual mukofot. Ammo «Oltin to‘p» taqdiri mening qo‘limda emas.

Maydonda qo‘limdan kelgan barcha ishni bajardim. Albatta, uni yutib olish ajoyib bo‘lardi. Lekin yakuniy qaror qabul qilinishiga hali ikki-uch oy bor», — dedi Keyn.

Angliyalik futbolchi individual mukofot uchun asosiy da’vogarlardan biri sifatida ko‘rilmoqda. Biroq u ovoz berish jarayoniga ta’sir qila olmasligini ta’kidlab, o‘z vazifasini maydonda bajarganini qayd etdi.