«Бавария» ва Англия миллий жамоаси ҳужумчиси Харри Кейн «Олтин тўп»ни қўлга киритиш имконияти ҳақида фикр билдирди.
«Бу футболчи эришиши мумкин бўлган энг нуфузли индивидуал мукофот. Аммо «Олтин тўп» тақдири менинг қўлимда эмас.
Майдонда қўлимдан келган барча ишни бажардим. Албатта, уни ютиб олиш ажойиб бўларди. Лекин якуний қарор қабул қилинишига ҳали икки-уч ой бор», — деди Кейн.
Англиялик футболчи индивидуал мукофот учун асосий даъвогарлардан бири сифатида кўрилмоқда. Бироқ у овоз бериш жараёнига таъсир қила олмаслигини таъкидлаб, ўз вазифасини майдонда бажарганини қайд этди.
