"Chelsi" bosh murabbiyi Xabi Alonso Angliya Premyer-ligasiga moslashish jarayoni qanday kechishi haqida fikr bildirdi.
"Bu, albatta, ma’lum bir jarayon. Ammo Premyer-ligada murabbiy bo‘lishning asosiy sinovlaridan biri ham shu. Har bir chempionat bir-biridan farq qiladi, har birining o‘ziga xos jihatlari bor.
Menda Germaniya va La Ligada ishlash tajribasi bor, ammo bu yerda tezda tushunib olishim kerak bo‘lgan jihatlar albatta uchraydi. Ayrim vaziyatlarda o‘zimga: "Xo‘p, bu yerda men xato qilgan ekanman, endi tushundim", deyishim mumkin. Bu ham jarayonning bir qismi", — deya Alonsoning so‘zlarini Men in Blazers keltiradi.
Xabi Alonso 1 iyul kuni rasman "Chelsi" bosh murabbiyi etib tayinlangan va 2026 yilda jamoani boshqargan uchinchi mutaxassisga aylangan.
2025/26 yilgi mavsumning birinchi yarmida klubni Enso Mareska boshqargan. U ketganidan keyin jamoa bosh murabbiyi lavozimida Liam Rosenyor va Kalum Makfarleyn ham ishlagan.
Xabi Alonso esa o‘tgan mavsumni Madridning "Real" klubi bosh murabbiyi sifatida boshlagan va 2026 yil yanvar oyida ispan klubini tark etgan.
