Italiyalik yarim himoyachi Manuel Lokatelli 2016 yildan 2019 yilga qadar «Milan» sharafini himoya qilgan va hanuzgacha klubdagi davrini iliq xotiralar bilan eslaydi.
«Men “Milan”dan doimo minnatdor bo‘lib qolaman. Bu yerda barcha bosqichlarni bosib o‘tdim, klub mening uyim edi. Shuningdek, menga ishonch bildirgan Montellaga ham har doim minnatdor bo‘laman.
O‘sha paytda hamma narsani to‘g‘ri yengib o‘tish uchun yetarli tajriba va ko‘nikmalarga ega emasdim. Men hali juda yosh va yetarlicha yetuk emasdim. Mendan juda katta umidlar qilishgan, men esa bu bosimni yanada kuchliroq his qilardim. Ayniqsa, “Yuventus” darvozasiga urgan o‘sha golimdan keyin», — deya Lokatellining so‘zlarini pianetamilan.it keltiradi.
Eslatib o‘tamiz, Italiya chempionatining yangi mavsumi shu hafta oxirida start oladi.
