"Bavariya" hujumchisi Xarri Keyn Yevropa o‘tgan mavsumining eng yaxshi to‘purari sifatida "Oltin butsa" sovrinini qabul qilib olganidan so‘ng fikr bildirdi.
"Men "Bavariya"ga, klub xodimlariga, murabbiylarga va jamoadoshlarimga minnatdorlik bildirmoqchiman. Ularsiz hozir bu yerda turmagan bo‘lardim. Bu sovrinni qo‘lga kiritish uchun juda katta mehnat talab etiladi. Men har doim jamoaga imkon qadar ko‘proq yordam berishga harakat qilaman.
O‘tgan mavsum men uchun alohida bo‘ldi va bundan juda faxrlanaman. Bu hozirga qadar faoliyatimdagi eng yaxshi mavsum bo‘ldi.
Men "Bavariya"da o‘zimni juda qulay his qilaman. Biz doimo katta muvaffaqiyatlarga erishishga intilamiz va bu mavsumda ham shunday natijalarni takrorlashni xohlaymiz", — deya Keynning so‘zlarini Goal keltiradi.
Garri Keyn o‘tgan mavsum Bundesligada 36 ta gol urgan.
