«Bolonya» jamoaning so‘nggi yillardagi yetakchi futbolchilaridan biri Rikkardo Orsolini bilan shartnomani uzaytirganini rasman e’lon qildi. Yangi kelishuv 2031 yilning 30 iyuniga qadar amal qiladi.
Orsolini sakkiz yildan buyon «Bolonya» sharafini himoya qilib kelmoqda. Endi italiyalik hujumchi kelajagini ham ushbu klub bilan bog‘ladi.
«Bolonya» futbol klubi hujumchi Rikkardo Orsolini bilan shartnomani 2031 yil 30 iyunga qadar uzaytirish bo‘yicha kelishuvga erishilganini ma’lum qiladi», — deyiladi klub rasmiy bayonotida.
«Bolonya» yangi A Seriya mavsumidagi ilk uchrashuvini 24 avgust kuni «Lasio»ga qarshi o‘tkazadi. O‘tgan mavsumda jamoa Italiya chempionatini 8-o‘rinda yakunlagan.
