«Болонья» жамоанинг сўнгги йиллардаги етакчи футболчиларидан бири Риккардо Орсолини билан шартномани узайтирганини расман эълон қилди. Янги келишув 2031 йилнинг 30 июнига қадар амал қилади.
Орсолини саккиз йилдан буён «Болонья» шарафини ҳимоя қилиб келмоқда. Энди италиялик ҳужумчи келажагини ҳам ушбу клуб билан боғлади.
«Болонья» футбол клуби ҳужумчи Риккардо Орсолини билан шартномани 2031 йил 30 июнга қадар узайтириш бўйича келишувга эришилганини маълум қилади», — дейилади клуб расмий баёнотида.
«Болонья» янги А Серия мавсумидаги илк учрашувини 24 август куни «Лацио»га қарши ўтказади. Ўтган мавсумда жамоа Италия чемпионатини 8-ўринда якунлаган.
