«Manchester Yunayted»ning sobiq chap qanot himoyachisi Patris Evra o‘z vaqtida Madridning «Real» klubiga o‘tishiga juda yaqin kelganini oshkor qildi.
Fransiyalik futbolchi 2006 yildan 2014 yilgacha «qizil iblislar» sharafini himoya qilgan, biroq uning faoliyati butunlay boshqacha ko‘rinish olishi mumkin edi.
«Men «Real»ga o‘tishga juda yaqin edim. Jahon chempionati — 2010 dan so‘ng Joze Mourinyo bilan gaplashdik. Men «Real»ga o‘tishni xohlayotganimni aytdim, ammo ser Aleks Fergyuson bu transferga to‘sqinlik qildi va uni bloklab qo‘ydi», — deydi Fransiya terma jamoasining 45 yoshli sobiq a’zosi Madrid Xtra nashriga bergan intervyusida.
2014 yilning yozida Patris Evra «Yuventus»ga ko‘chib o‘tdi, so‘ngra «Marsel» va «Vest Xem» klublarida to‘p surib, 2019 yilda butsalarini mixga ildi.
