«Aston Villa» markaziy himoyachisi Ezri Konsa tez orada rasman «Arsenal» futbolchisiga aylanadi.

Tomonlar bitimning barcha shartlarini kelishib olishdi — ushbu transfer «kanonirlar»ga bonuslarni hisobga olmaganda 60 million yevroga tushadi. Arsenal Radar ma’lumotlariga ko‘ra, agar kutilmagan holat yuz bermasa, juma kunining o‘zidayoq «Arsenal» Konsa bilan shartnoma imzolanganini rasman tasdiqlaydi. 28 yoshli futbolchi tibbiy ko‘rikdan o‘tib bo‘lgan, shartnomaga qo‘l qo‘ygan va yangi jamoadoshlari bilan uchrashgan.

Klubning yangi a’zosi juma kuni (21 avgust) Premyer-liganing 1-turi doirasida «Koventri Siti»ga qarshi o‘yin oldidan «Emireyts» stadionida muxlislarga tanishtirilishi mumkin. Uchrashuv Toshkent vaqti bilan 21 avgustdan 22 avgustga o‘tar kechasi soat 00:00 da boshlanadi.