Madridning «Real» klubi darvozaboni Tibo Kurtua Joze Mourinyoning jamoa bosh murabbiyligiga qaytishi haqida o‘z fikrlari bilan o‘rtoqlashdi. Belgiyalik posbon tajribali mutaxassis qo‘l ostida yana bir bor to‘p surishdan mamnun ekanini bildirdi va uning manziliga iliq so‘zlar aytdi.

«Mourinyo — alohida o‘yinchilardan ko‘ra jamoaviy manfaatni ustun qo‘yadigan hamda tartib-intizomni birinchi o‘ringa qo‘yadigan talabchan murabbiy. O‘ylashimcha, aynan shu omillar g‘alaba uchun hal qiluvchi ahamiyatga ega. Joze — ajoyib mutaxassis va muloqot uchun doimo ochiq inson. U juda to‘g‘rigo‘y va bu menga ma’qul keladi. Uning rahbarligi ostida to‘p surishdan xursandman», — deydi Kurtua «Real» matbuot xizmatiga.

Eslatib o‘tamiz, Tibo Kurtua va Joze Mourinyo ilgari Londonning «Chelsi» klubida birgalikda faoliyat olib borishgan. Portugaliyalik mutaxassis «Benfika»dagi faoliyatidan so‘ng yana Madrid klubiga qaytdi. Hozirda madridliklar yangi mavsumga tayyorgarlikni davom ettirishmoqda.