«Liverpul» bosh murabbiyi Andoni Iraola yozgi transfer oynasi yopilguniga qadar jamoada yangi transferlar bo‘lishi mumkinligi haqidagi savolga javob berdi.

«Murabbiy sifatida futbolchilar mavsumoldi tayyorgarligining birinchi kunidanoq ixtiyorimda bo‘lishini va har bir pozisiyada eng yuqori saviyadagi o‘yinchilar bo‘lishini xohlardim. Ammo transfer bozori qanday ishlashini yaxshi bilasiz: mavsum boshlanganidan keyin ham transfer oynasi ochiq qoladi.

Biz, murabbiylar, noaniqlik yuqori bo‘lgan bunday vaziyatga moslashishimiz kerak. Bu faqat «Liverpul»ga tegishli emas, chunki transfer bozori hamma joyda ochiq. Shunday ekan, biz vaziyatga moslashishimiz shart.

Rostini aytsam, transferlar haqida o‘ylashga juda ko‘p vaqtimni sarflamayman. Bu mavzu bo‘yicha menga ko‘p savol berishingizni bilaman, ammo hozir butun e’tiborim «Nyukasl»ga qarshi o‘yinga qaratilgan. Men uchun eng muhimi shu. Jamoamizda juda yaxshi futbolchilar bor, shuning uchun mavsumning birinchi kunidanoq raqobatbardosh bo‘la olamiz», — dedi Iraola matbuot anjumanida.

«Nyukasl» — «Liverpul» uchrashuvi 23 avgust, yakshanba kuni bo‘lib o‘tadi.