"Paxtakor" – "Surxon" uchrashuvidan keyingi matbuot anjumanida "Paxtakor" vakili Kamoliddin Tojiyev bahs haqida fikr bildirib, jamoasining bekor qilingan goliga alohida to‘xtaldi.

"Yaxshi o‘yin bo‘ldi. Ikkala jamoa ham futbol o‘ynashga intildi. Vaziyatlar yaratdik, ammo ulardan foydalana olmadik.

Bekor qilingan golni tushunmadim. Takroriy lavhani ko‘rdik. Hakamlar ofsayd chizig‘ini darvoza orqasidan chizishmoqda. Darvoza ortidan chizilganda ham ofsayd yo‘q. Ular qanday qilib chiziqni chizishganini bilmayman. Shunchaki golimizni bekor qilishdi va ochkolardan mahrum bo‘ldik", — dedi Tojiyev.