"Fiorentina" hujumchi Moyze Kin "Komo"ga o‘tadigan bo‘lsa, uning o‘rniga "Inter" futbolchisi Anj-Yoan Bonnini sotib olish imkoniyatini ko‘rib chiqmoqda.

Insayder Alfredo Pedulla ma’lumotiga ko‘ra, "Inter" 22 yoshli hujumchini 25–30 million yevrodan kam mablag‘ga sotish niyatida emas. Ayni paytda milanliklar Bonnini sotuvga qo‘ymagan, ammo munosib taklif tushsa, vaziyat o‘zgarishi mumkin.

Kinning kelajagi esa hozircha noaniq. "Komo" uni xarid qilishga jiddiy qiziqish bildirmoqda, "Fiorentina" esa hujumchisini osonlikcha qo‘yib yubormoqchi emas.