"Aston Villa"dan "Arsenal"ga o‘tgan Ezri Konsa London klubi tarixidagi eng qimmat himoyachiga aylandi.
"Kanonirlar" Angliya milliy jamoasining 28 yoshli markaziy himoyachisi uchun 59,6 mln yevro to‘ladi. Shu tariqa, Konsa 2021 yilda "Brayton"dan kelgan Ben Uaytning transfer rekordini yangiladi.
"Arsenal" tarixidagi eng qimmat himoyachilar:
- Ezri Konsa — 59,6 mln yevro (2026/27)
- Ben Uayt — 58,5 mln yevro (2021/22)
- Rikkardo Kalafyori — 43,7 mln yevro (2024/25)
- Shkodran Mustafi — 41 mln yevro (2016/17)
- Pyero Inkapye — 40 mln yevro (2026/27)
Konsaning transferi "Arsenal"ning yangi mavsum oldidan himoya chizig‘ini kuchaytirish yo‘lidagi eng yirik sarmoyalaridan biri bo‘ldi. Angliyalik futbolchi markaziy himoyadan tashqari o‘ng qanotda ham harakat qila oladi.
