«Al-Hilol» urugvaylik hujumchi Darvin Nunyesning «Al-Diriya» klubiga ijaraga berilganini rasman e’lon qildi. Kelishuv 2026/27 yilgi mavsum oxiriga qadar amal qiladi. Xabarlarga ko‘ra, bitimda futbolchini sotib olish huquqi ko‘zda tutilmagan.

Nunyesni ijaraga berish to‘g‘risidagi qaror klub prezidenti shahzoda Navaf bin Saad boshchiligidagi «Al-Hilol» direktorlar kengashi tomonidan ma’qullangan.

27 yoshli hujumchi «Al-Hilol» safiga 2025 yil yozida «Liverpul»dan kelib qo‘shilgandi. O‘tgan mavsumda u Saudiya klubi safida 24 ta uchrashuv o‘tkazib, 9 ta gol urdi va 5 ta golli uzatmani amalga oshirdi.

Mavsum davomida Nunyes «Al-Hilol»ning legionerlar limiti bilan bog‘liq muammolari sabab Saudiya chempionati uchun qaydnomadan chiqarib yuborilgandi. Shu bois u mavsumning ikkinchi qismida ichki chempionat o‘yinlarida ishtirok eta olmadi.

Transfermarkt portali Darvin Nunyesning hozirgi bozor qiymatini 20 million yevroga baholamoqda.