"Yuventus" bosh murabbiyi Luchano Spalletti A Seriya 1-turida "Frozinone"ga qarshi o‘yinda hujumchi Randal Kolo-Muanining harakatlari haqida fikr bildirdi.
Turinliklar 22-daqiqada Gleyson Bremer tomonidan urilgan gol evaziga minimal hisobda g‘alaba qozondi. Klubga qaytgan Kolo-Muani uchrashuvni boshidan oxirigacha o‘tkazdi, ammo uning uchta zarbasidan birortasi ham gol bilan yakunlanmadi.
"Biz Kolo-Muanini o‘z safimizga qo‘shib olish uchun barcha ishni qildik, uning imkoniyatlarini yaxshi bilamiz. Ammo u so‘nggi ikki yilda deyarli o‘ynamaganini tushunishi kerak — buning sababi bo‘lishi lozim. U to‘pni juda yaxshi nazorat qiladi va bo‘sh hududlarni topa oladi, jismoniy jihatdan kuchli. Ammo bunday o‘yinlarda undan golli vaziyatlardan foydalanish talab etiladi", — deya Spallettining so‘zlarini keltiradi Get Football News Italy.
"Yuventus" avgust oyi boshida Kolo-Muanini "PSJ"dan 40 million yevrodan ortiq mablag‘ evaziga sotib oldi.
