"Barselona" vingeri Entoni Gordon jamoa safidagi ilk uchrashuvidan keyin taassurotlari bilan o‘rtoqlashdi.

Angliyalik futbolchi La Liganing "Elche"ga qarshi bahsida 65-daqiqada zaxiradan maydonga tushdi va qisqa vaqt ichida ikkita golli uzatma berishga muvaffaq bo‘ldi. Uchrashuv "ko‘k-anorranglilar"ning 5:0 hisobidagi yirik g‘alabasi bilan yakunlandi.

"Orzudagi debyut bo‘ldi. Juda xursandman. Biz chiroyli futbol o‘ynadik, bir nechta ajoyib gollar urdik. Himoyachilarimiz ham o‘zlarini juda yaxshi ko‘rsatishdi.

Bu yerda o‘zimni uydagidek his qilyapman. Shahar ajoyib, hamma juda samimiy va jamoa meni iliq kutib oldi. O‘ylaymanki, "Barselona"da qanchalik uzoq vaqt bo‘lsam, shunchalik katta o‘sishga erisha olaman", — dedi 25 yoshli futbolchi.

"Barselona" Entoni Gordonni joriy mavsum boshlanishi oldidan "Nyukasl"dan sotib olgan.