"Барселона" вингери Энтони Гордон жамоа сафидаги илк учрашувидан кейин таассуротлари билан ўртоқлашди.
Англиялик футболчи Ла Лиганинг "Эльче"га қарши баҳсида 65-дақиқада захирадан майдонга тушди ва қисқа вақт ичида иккита голли узатма беришга муваффақ бўлди. Учрашув "кўк-анорранглилар"нинг 5:0 ҳисобидаги йирик ғалабаси билан якунланди.
"Орзудаги дебют бўлди. Жуда хурсандман. Биз чиройли футбол ўйнадик, бир нечта ажойиб голлар урдик. Ҳимоячиларимиз ҳам ўзларини жуда яхши кўрсатишди.
Бу ерда ўзимни уйдагидек ҳис қиляпман. Шаҳар ажойиб, ҳамма жуда самимий ва жамоа мени илиқ кутиб олди. Ўйлайманки, "Барселона"да қанчалик узоқ вақт бўлсам, шунчалик катта ўсишга эриша оламан", — деди 25 ёшли футболчи.
"Барселона" Энтони Гордонни жорий мавсум бошланиши олдидан "Ньюкасл"дан сотиб олган.
