«Barselona» yarim himoyachisi Mark Kasado faoliyatini Angliya Premyer-ligasida davom ettirishi mumkin. «Sanderlend» 22 yoshli ispaniyalik futbolchini o‘z safiga qo‘shib olish imkoniyatini ko‘rib chiqmoqda. Angliya klubi Kasadoni yoz boshidan beri kuzatib kelayotgani haqida xabarlar bor.
Kataloniyaliklar o‘z tarbiyalanuvchisini sotishga qarshi emas va uning transferi uchun taxminan 40 million yevro talab qilmoqda.
Kasadoga «Sanderlend»dan tashqari Saudiya Arabistoni va Turkiya klublari ham qiziqish bildirmoqda.
Yarim himoyachi «Barselona» asosiy jamoasi safida barcha musobaqalarda 75 ta uchrashuv o‘tkazib, 1 ta gol urgan va 7 ta golli uzatmani amalga oshirgan.
