«Liverpul» yarim himoyachisi Dominik Soboslai 2026/27 yilgi mavsumda jamoa vise-sardorlaridan biri etib tayinlanganiga munosabat bildirdi.

Vengriyalik futbolchi Alisson va Jo Gomes bilan birgalikda «Liverpul» yetakchilari guruhidan joy oldi. Ular jamoa sardori Virjil van Deykka yordam beradi.

«Bundan xursandman. Yangi murabbiyga jamoaning bir qismi va yetakchilaridan biri bo‘lishni xohlayotganingni ko‘rsatish — tabiiy holat. «Liverpul»ga ilk bor kelganimda asosiy tarkibdan joy olishni maqsad qilgandim. Har kuni qattiq mehnat qilish o‘z samarasini beradi», — dedi Soboslai.

APL 1-turidan o‘rin olgan «Nyukasl»ga qarshi bahsda (2:2) Soboslai 90+9-daqiqada penaltini aniq amalga oshirib, «Liverpul»ni mag‘lubiyatdan qutqarib qoldi.

Keyingi turda «Liverpul» 29 avgust kuni o‘z maydonida «Brentford»ni qabul qiladi.