«Ливерпуль» ярим ҳимоячиси Доминик Собослаи 2026/27 йилги мавсумда жамоа вице-сардорларидан бири этиб тайинланганига муносабат билдирди.

Венгриялик футболчи Алиссон ва Жо Гомес билан биргаликда «Ливерпуль» етакчилари гуруҳидан жой олди. Улар жамоа сардори Виржил ван Дейкка ёрдам беради.

«Бундан хурсандман. Янги мураббийга жамоанинг бир қисми ва етакчиларидан бири бўлишни хоҳлаётганингни кўрсатиш — табиий ҳолат. «Ливерпуль»га илк бор келганимда асосий таркибдан жой олишни мақсад қилгандим. Ҳар куни қаттиқ меҳнат қилиш ўз самарасини беради», — деди Собослаи.

АПЛ 1-туридан ўрин олган «Ньюкасл»га қарши баҳсда (2:2) Собослаи 90+9-дақиқада пенальтини аниқ амалга ошириб, «Ливерпуль»ни мағлубиятдан қутқариб қолди.

Кейинги турда «Ливерпуль» 29 август куни ўз майдонида «Брентфорд»ни қабул қилади.