«Aston Villa» forvardi Olli Uotkins Saudiya Arabistonining «Al-Hilol» klubiga o‘tishga yaqinlashdi. Bu haqda taniqli jurnalist Nikolo Skira xabar bermoqda.
Manbaning ma’lumotiga ko‘ra, 30 yoshli futbolchi «Al-Hilol» bilan 2029 yilgacha mo‘ljallangan shartnoma shartlari bo‘yicha kelishuvga erishgan. Ayni paytda saudiyaliklar klubi bitimni yakunlash uchun «Aston Villa» bilan muzokaralarni davom ettirmoqda.
Avvalroq Uotkinsning xaridi «Al-Hilol»ga 55,8 million yevroga tushishi mumkinligi xabar qilingandi.
2025/26 yilgi mavsumda hujumchi barcha turnirlarda 55 ta uchrashuvda maydonga tushib, raqiblar darvozasini 21 marta ishg‘ol qilgan va 5 ta golli uzatma muallifi bo‘lgan.
