"Bavariya" rahbariyati boshqaruv raisi Yan-Kristian Drezen va sport direktori Maks Eberl bilan shartnomalarni uzaytirishga qaror qildi.
Har ikki rahbar 2029 yil 30 iyunga qadar o‘z lavozimida qoladi. Tegishli qaror Myunxen klubi kuzatuv kengashining navbatdagi yig‘ilishida tasdiqlandi.
Kuzatuv kengashi raisi Gerbert Xaynerning ta’kidlashicha, barqarorlik klubning kelgusi rivoji hamda Yevropaning yetakchi jamoalari qatoridagi o‘rnini saqlab qolishi uchun muhim ahamiyatga ega.
"Bavariya" Drezenni 2023 yil may oyida boshqaruv raisi etib tayinlagan. Eberl esa bolaligida klub akademiyasida tahsil olgan va asosiy jamoada debyut qilgan. U 2024 yil mart oyidan beri sport direktori lavozimida ishlab kelmoqda.
Shuningdek, klub boshqaruvi tarkibiga marketing va savdo yo‘nalishi uchun mas’ul Ruven Kasper ham kiradi.
