«Aston Villa» darvozaboni Emiliano Martines faoliyatini «Chelsi»da davom ettirishga tayyor.

Mashhur jurnalist Fabrisio Romano ma’lumotiga ko‘ra, agar London klubi transfer bo‘yicha ish boshlashga qaror qilsa, argentinalik darvozabon o‘tishga rozi bo‘ladi. Joriy mavsumda «Chelsi» yevrokuboklarda ishtirok etmayotgani ham darvozabon uchun to‘siq bo‘lmaydi. Endi vaziyatning keyingi rivoji «ko‘klar» rahbariyatining qaroriga bog‘liq.

Avvalroq London klubi Martinesni transfer qilish imkoniyatini ko‘rib chiqayotgani haqida xabar berilgan edi.

Martines 2020 yildan buyon «Aston Villa»da o‘ynab kelmoqda. O‘tgan mavsumda birmingemliklar APLda to‘rtinchi o‘rinni egallab, Yevropa ligasida g‘olib bo‘ldi.