«Ayaks» «Jirona»ning 28 yoshli ukrainalik qanot hujumchisi Viktor Sigankov bilan transfer bo‘yicha og‘zaki kelishuvga erishdi. De Telegraaf xabariga ko‘ra, Amsterdam klubi futbolchi bilan 2029 yilning yoziga qadar mo‘ljallangan shartnoma imzolashga tayyor.
Avvalroq «Ayaks» va «Jirona» transferning asosiy shartlarini kelishib olgan edi. O‘tish qiymati 5 million yevrodan biroz kamroqni tashkil etadi. Shu bilan birga, Ispaniya klubi Sigankovga bo‘lgan huquqlarning ma’lum qismini o‘zida saqlab qoladi.
Futbolchi hali «Jirona» bilan ayrim masalalarni hal qilishi kerak. Ayni paytda klublar huquqshunoslari va futbolchining agenti zarur hujjatlarni tayyorlash ustida ishlamoqda.
Sigankov Mika Godtsning «PSJ»ga ketishidan so‘ng «Ayaks» xarid qilishni rejalashtirayotgan ikki nafar qanot futbolchisidan birinchisi bo‘lishi kutilmoqda. Ta’kidlanishicha, ukrainalik futbolchi hujumning har ikki qanotida ham harakat qila oladi.
