«Bavariya» mashg‘ulotlarida Vensan Kompani maxfiylikni saqlashga qanchalik harakat qilmasin, yangi futbolchi — urugvaylik Rodrigo Dudok ko‘zga tashlandi. Qizig‘i, klub ehtimoliy transfer haqida hech qanday rasmiy ma’lumot bermagan, bu esa jurnalistlarda tabiiy savollar uyg‘otdi.
Ma’lum bo‘lishicha, Dudok Myunxenga «Bavariya» va AQSHning «Los-Anjeles» klubi 2023 yilda birgalikda yo‘lga qo‘ygan dastur doirasida kelgan. Ushbu loyihaning asosiy maqsadi — dunyo bo‘ylab iqtidorli futbolchilarni izlab topish.
derbyderbyderby.it xabariga ko‘ra, urugvaylik futbolchi mazkur dastur qanday ishlashining yaqqol misoli hisoblanadi. Agar Dudok murabbiylar shtabida yaxshi taassurot qoldirsa, unga «Bavariya»ning ikkinchi jamoasida o‘ynash imkoniyati berilishi mumkin. Aks holda, u Montevideoga qaytib ketadi.
