«Benfika»ning argentinalik vingeri Janluka Prestianni faoliyatini Angliya Premyer-ligasida davom ettirishi mumkin.

Hooligan Soccer ma’lumotiga ko‘ra, 20 yoshli futbolchiga «Arsenal», «Aston Villa» va «Nyukasl» qiziqish bildirmoqda.

Manba ta’kidlashicha, «Benfika» Prestianni bo‘yicha 50 million yevro atrofidagi takliflarni ko‘rib chiqishga tayyor. Bu futbolchining shartnomasida tovon puli 100 million yevro etib belgilanganiga qaramay, Portugaliya klubi arzonroq summaga ham muzokara olib borishi mumkinligini anglatadi.

Yangi mavsumda Prestianni barcha turnirlar hisobida 5 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.