«Бенфика»нинг аргентиналик вингери Жанлука Престианни фаолиятини Англия Премьер-лигасида давом эттириши мумкин.

Hooligan Soccer маълумотига кўра, 20 ёшли футболчига «Арсенал», «Астон Вилла» ва «Ньюкасл» қизиқиш билдирмоқда.

Манба таъкидлашича, «Бенфика» Престианни бўйича 50 миллион евро атрофидаги таклифларни кўриб чиқишга тайёр. Бу футболчининг шартномасида товон пули 100 миллион евро этиб белгиланганига қарамай, Португалия клуби арзонроқ суммага ҳам музокара олиб бориши мумкинлигини англатади.

Янги мавсумда Престианни барча турнирлар ҳисобида 5 та учрашувда майдонга тушиб, 3 та гол урди ва 1 та голли узатмани амалга оширди.