«Gamburg» direktori Klaus Kosta seshanba kuni Fabiu Viyeyra masalasida muzokaralar o‘tkazish uchun Gamburgdan Londonga bordi. Florian Plettenberg ma’lumotiga ko‘ra, u portugaliyalik yarim himoyachi va «Arsenal» sport direktori Andrea Berta bilan uchrashgan, ammo rasmiy muzokaralar hali boshlanmagan.

«Gamburg» o‘tgan mavsumni jamoada ijara asosida muvaffaqiyatli o‘tkazgan Viyeyrani qaytarish istagi juda kuchli ekanini yana bir bor bildirgan. Bu safar esa faqat to‘liq transfer varianti ko‘rib chiqilmoqda.

Ayni paytda ikki klubning moliyaviy talablari o‘rtasida bir necha million yevrolik farq bor. Plettenbergning ta’kidlashicha, muzokaralar davom etmoqda, shu bilan birga portugaliyalik futbolchiga boshqa klublar ham qiziqish bildirmoqda.

Viyeyra o‘tgan mavsumda «Gamburg» safida ijara asosida yaxshi taassurot qoldirdi. U Bundesligada 29 ta uchrashuv o‘tkazib, 7 ta gol urdi va 4 ta golli uzatmani amalga oshirdi.

Endi «Arsenal» futbolchini sotish yoki uni yarim himoya chizig‘ida zaxira varianti sifatida jamoada olib qolish borasida qaror qabul qilishi kerak.