«So‘g‘diyona» futbolchisi Lyupcho Doriyev O‘zbekiston Superligasida «gol+pas» tizimi bo‘yicha yetakchilik qilmoqda. U joriy mavsumda 13 ta gol urib, 6 ta golli uzatmani amalga oshirgan — jami 19 ta samarali harakat.
Ikkinchi o‘rinda «Neftchi» yarim himoyachisi Jamshid Iskanderov bormoqda. Uning hisobida 5 ta gol va 9 ta assist bor. Iskanderov 14 ta samarali harakat bilan Doriyevning eng yaqin ta’qibchisi bo‘lib turibdi.
«Neftchi» hujumchisi Stipe Perisa 10 ta gol bilan 10 ochko jamg‘argan. Xuddi shunday ko‘rsatkichga yana to‘rt futbolchi ega: «Dinamo» vakili Anvarjon Hojimirzayev — 9+1, «Lokomotiv» hujumchisi Temurxo‘ja Abduxoliqov — 9+1, «Paxtakor» futbolchisi Stefen Chinedu — 8+2 va Dostonbek Hamdamov — 7+3.
Shu tariqa, Doriyev «gol+pas» ko‘rsatkichi bo‘yicha ikkinchi o‘rindagi Iskanderovdan 5 ochko, keyingi ta’qibchilardan esa 9 ochko oldinda bormoqda.
