Argentina terma jamoasi darvozaboni Emiliano Martines «Aston Villa»ni tark etib, «Chelsi» safiga qo‘shildi. Bu haqda London klubi matbuot xizmati xabar berdi.

33 yoshli golkiper «Chelsi» bilan 2028 yilga qadar mo‘ljallangan shartnoma imzoladi. Ma’lumotlarga ko‘ra, «ko‘klar» tajribali darvozabon transferi uchun taxminan 8,8 million yevro to‘lagan. Futbolchining o‘zi ham anchadan buyon faoliyatida yangi chaqiruvni qabul qilish istagida edi.

Martines «Aston Villa» safida 2020 yildan buyon to‘p tepib kelayotgandi. U Birmingem klubiga «Arsenal»dan ko‘chib o‘tgan.

Argentinalik darvozabon «Aston Villa» tarkibida 256 ta uchrashuv o‘tkazib, 305 ta gol o‘tkazib yuborgan. Shuningdek, 80 ta bahsda o‘z darvozasi daxlsizligini saqlab qolgan.

Martines ushbu davr mobaynida Argentina terma jamoasi bilan jahon chempioni bo‘ldi va France Football talqini bo‘yicha ikki marta yilning eng yaxshi darvozaboni deb topildi.