O‘zbekiston kubogi nimchorak finalidan o‘rin olgan «Neftchi» — «Paxtakor» uchrashuvini stadiondan 18 777 nafar muxlis tomosha qildi.
E’tiborlisi, bitta uchrashuvda qayd etilgan ushbu ko‘rsatkich musobaqaning so‘nggi to‘rt mavsumining har birida nimchorak final bosqichidagi barcha o‘yinlarga tashrif buyurgan muxlislar umumiy sonidan ham yuqori bo‘ldi.
Taqqoslash uchun, O‘zbekiston kubogi nimchorak finalida 2022 yilda jami 14 345, 2023 yilda 13 947, 2024 yilda 13 768, 2025 yilda esa 12 904 nafar muxlis stadionlarga tashrif buyurgan.
«Neftchi» — «Paxtakor» bahsi esa bir o‘zi 18 777 nafar tomoshabinni stadionga jalb qildi.
Uchrashuv «Neftchi»ning 1:0 hisobidagi g‘alabasi bilan yakunlandi va Farg‘ona klubi O‘zbekiston kubogining chorak finaliga yo‘l oldi.
