«Brentford» «Tottenxem» yarim himoyachisi Archi Greyni transfer qilishga qiziqmoqda. «Asalarilar» yevrokuboklarda ishtirok etish oldidan tarkibini kuchaytirmoqchi, ammo «shporlar» 20 yoshli futbolchini jamoada saqlab qolish niyatida.

Grey 2024 yilda «Lids»dan «Tottenxem»ga o‘tganidan buyon klub safida 39 marta asosiy tarkibda maydonga tushdi. Ushbu o‘yinlarning 29 tasida «Tottenxem» mag‘lub bo‘lgan, atigi 6 tasida g‘alaba qozongan. Shanba kuni «Nyukasl»ga qarshi (0:2) uchrashuvda ham Grey o‘ng qanot himoyachisi sifatida asosiy tarkibda o‘ynadi.

Avvalroq bu yozda «Nyukasl» Greyni sotib olishga uringan, ammo rad javobini olgan. «Tottenxem» bosh murabbiyi Roberto De Dzerbi may oyida futbolchini «klubning kelajagi» deb atagan va u jamoa kapitani bo‘lishi mumkinligini ta’kidlagan.