«Брентфорд» «Тоттенхэм» ярим ҳимоячиси Арчи Грейни трансфер қилишга қизиқмоқда. «Асаларилар» еврокубокларда иштирок этиш олдидан таркибини кучайтирмоқчи, аммо «шпорлар» 20 ёшли футболчини жамоада сақлаб қолиш ниятида.

Грей 2024 йилда «Лидс»дан «Тоттенхэм»га ўтганидан буён клуб сафида 39 марта асосий таркибда майдонга тушди. Ушбу ўйинларнинг 29 тасида «Тоттенхэм» мағлуб бўлган, атиги 6 тасида ғалаба қозонган. Шанба куни «Ньюкасл»га қарши (0:2) учрашувда ҳам Грей ўнг қанот ҳимоячиси сифатида асосий таркибда ўйнади.

Аввалроқ бу ёзда «Ньюкасл» Грейни сотиб олишга уринган, аммо рад жавобини олган. «Тоттенхэм» бош мураббийи Роберто Де Дзерби май ойида футболчини «клубнинг келажаги» деб атаган ва у жамоа капитани бўлиши мумкинлигини таъкидлаган.