"Inter" Italiya A Seriyasining 2-turida "Kalyari"ni safarda 1:0 hisobida mag‘lub etdi. Uchrashuvdagi yagona gol 9-daqiqada Hakan Chalxanoglu tomonidan urildi.

"Neradzurri" bosh murabbiyi Kristian Kivu A Seriyada murabbiy sifatida 53 ta uchrashuv o‘tkazdi va ularning 32 tasida g‘alaba qozondi.

Opta ma’lumotiga ko‘ra, zamonaviy tarixda Italiya yuqori divizionida kamida 50 ta o‘yin o‘tkazgan murabbiylar orasida g‘alabalar foizi bo‘yicha Kivudan faqat ikki mutaxassis — Antonio Konte va Leonardo yuqori natija qayd etgan.

Kontening g‘alaba ko‘rsatkichi 66,3 foizni, Leonardoniki 60,7 foizni tashkil etgan. Kivuda esa bu ko‘rsatkich 60,4 foizga teng.

Kristian Kivu avval "Parma"ni boshqargan. U o‘tgan yil yozida Simone Indzagi o‘rniga "Inter" bosh murabbiyi etib tayinlangan.