Kanadalik hujumchi Jonatan Devid yozgi transfer oynasining so‘nggi kunida Turinning «Yuventus» klubidan Madridning «Atletiko» jamoasiga o‘tishi mumkin.

Insayder Fabrisio Romano ijtimoiy tarmoqlarda xabar berishicha, «matraschilar» hujumchini ijaraga olishga tayyor, ammo uning maoshini to‘liq to‘lash majburiyatini o‘z zimmasiga olishni istamayapti. «Keksa sinyora» bilan muzokaralar davom etmoqda. Agar barchasi rejadagidek kechsa, bitim bugun, 31 avgust kuni rasmiylashtirilishi mumkin.

O‘tgan mavsum A Seriyada Jonatan Devid «Yuventus» safida 35 ta uchrashuvda maydonga tushdi. Kanadalik futbolchi 6 ta gol urdi va 4 ta golli uzatmani amalga oshirdi.