Канадалик ҳужумчи Жонатан Дэвид ёзги трансфер ойнасининг сўнгги кунида Туриннинг «Ювентус» клубидан Мадриднинг «Атлетико» жамоасига ўтиши мумкин.

Инсайдер Фабрицио Романо ижтимоий тармоқларда хабар беришича, «матрасчилар» ҳужумчини ижарага олишга тайёр, аммо унинг маошини тўлиқ тўлаш мажбуриятини ўз зиммасига олишни истамаяпти. «Кекса синьора» билан музокаралар давом этмоқда. Агар барчаси режадагидек кечса, битим бугун, 31 август куни расмийлаштирилиши мумкин.

Ўтган мавсум А Серияда Жонатан Дэвид «Ювентус» сафида 35 та учрашувда майдонга тушди. Канадалик футболчи 6 та гол урди ва 4 та голли узатмани амалга оширди.