Angliyaning «Everton» klubi hujumchisi Betu Gomesh faoliyatini Italiya chempionatida davom ettiradi. Bu haqda insayder Fabrisio Romano Sky Sport ma’lumotiga tayanib xabar berdi.

Jurnalistning ijtimoiy tarmoqlarda yozishicha, futbolchining yangi jamoasi «Fiorentina» bo‘ladi. Florensiya klubi Betu transferi bo‘yicha «Everton» bilan kelishuvga erishgan. Futbolchining tibbiy ko‘rigi 31 avgust, dushanba kuniga belgilangan.

O‘tgan mavsum Angliya Premyer-ligasida 28 yoshli hujumchi «Everton» safida 37 ta uchrashuvda maydonga tushdi. Betu 9 ta gol urdi va 1 ta golli uzatmani amalga oshirdi.