Англиянинг «Эвертон» клуби ҳужумчиси Бету Гомеш фаолиятини Италия чемпионатида давом эттиради. Бу ҳақда инсайдер Фабрицио Романо Sky Sport маълумотига таяниб хабар берди.
Журналистнинг ижтимоий тармоқларда ёзишича, футболчининг янги жамоаси «Фиорентина» бўлади. Флоренция клуби Бету трансфери бўйича «Эвертон» билан келишувга эришган. Футболчининг тиббий кўриги 31 август, душанба кунига белгиланган.
Ўтган мавсум Англия Премьер-лигасида 28 ёшли ҳужумчи «Эвертон» сафида 37 та учрашувда майдонга тушди. Бету 9 та гол урди ва 1 та голли узатмани амалга оширди.
