«Arsenal» bosh murabbiyi Mikel Arteta Angliya Premyer-ligasining 2-turida «Aston Villa» ustidan qozonilgan g‘alabadan so‘ng o‘z fikrlarini bildirdi.
Birmingemdagi uchrashuv londonliklarning 1:0 hisobidagi g‘alabasi bilan yakunlandi. Bahs taqdirini 59-daqiqada Bukayo Saka tomonidan urilgan yagona gol hal qildi.
«Men juda xursandman. Bu biz uchun juda muhim g‘alaba. Menimcha, biz g‘alabaga haqli edik va ajoyib o‘yin o‘tkazdik.
Faqat asosiy tarkib futbolchilarining o‘zi yetarli bo‘lmadi. Zaxiradan maydonga tushgan o‘yinchilar ham juda yaxshi harakat qildi, uchrashuvni g‘alaba bilan yakunlashimizga katta yordam berdi.
Bu yerda g‘alaba qozonish qanchalik qiyin ekanini yaxshi bilaman. Barcha top-klublar bu stadionda muammolarga duch kelgan, chunki «Aston Villa» juda kuchli jamoa», — dedi Arteta.
