Italiya chempionatining 4-turidan o‘rin olgan «Milan» — «Lasio» uchrashuvi boshqa sanaga ko‘chirildi.

Pianetamilan.it ma’lumotiga ko‘ra, dastlab 13 sentyabr, yakshanba kuni o‘tkazilishi rejalashtirilgan bahs bir kun oldin — 12 sentyabr, shanba kuniga belgilandi.

Shuningdek, uchrashuvning boshlanish vaqti ham o‘zgardi. Avvaliga bahs Toshkent vaqti bilan soat 23:45 da boshlanishi rejalashtirilgan bo‘lsa, endi jamoalar soat 21:00 da maydonga tushadi.

O‘yinning ko‘chirilishi yevrokubok musobaqalari boshlanishi bilan bog‘liq.

«Milan» bu mavsum Chempionlar ligasida emas, Yevropa ligasida ishtirok etadi. Italiya klubi 16 sentyabr kuni ushbu musobaqa doirasida Portugaliyaning «Benfika» jamoasiga qarshi bahs olib boradi.

Shu sababli «rossonerilar»ga yevrokubok uchrashuviga tayyorgarlik ko‘rish uchun ko‘proq vaqt berish maqsadida «Lasio»ga qarshi chempionat bahsi bir kun oldinga surildi.