«Barselona» Ispaniya chempionatining uchinchi turida «Rayo Valyekano»ni yirik hisobda mag‘lub etdi. Ushbu uchrashuv kataloniyaliklar markaziy himoyachisi Andreas Kristensen uchun ham alohida ahamiyat kasb etdi.
Daniyalik futbolchi bahsda to‘liq 90 daqiqa harakat qilib, «Barselona» safidagi 100-o‘yinini o‘tkazdi.
Kristensen Kataloniya klubiga 2022 yilda kelib qo‘shilgan. O‘sha paytda jamoani Xavi Ernandes boshqarardi.
Qizig‘i, himoyachi «Barselona»dagi 100 ta o‘yinining 74 tasini aynan Xavi qo‘l ostida ikki mavsum davomida o‘tkazgan.
Xans-Diter Flik bosh murabbiyligida esa Kristensen avvalgi ikki mavsumda 24 ta o‘yinda maydonga tushgan. Joriy mavsumda esa u yana 2 ta uchrashuvda ishtirok etdi.
