PFA talqiniga ko‘ra yilning eng yaxshi yosh futbolchisi deb topilgan «Manchester Siti» himoyachisi Niko O’Rayli sobiq murabbiyi Pep Gvardiolaning qattiq, ammo muhim maslahati haqida gapirdi.

21 yoshli angliyalik futbolchining aytishicha, murabbiy unga to‘psiz harakatlanishdagi kamchiliklarini ko‘rsatgan.

«Men asosiy tarkibga kirishni boshlaganimda, u menga: “To‘p bilan muammo yo‘q, ammo to‘psiz o‘ynaganda agressivroq bo‘lishing kerak. Ko‘proq xohish, ko‘proq ishtiyoq”, — dedi.

Men bu saboqni o‘zlashtirdim. Aynan shu maslahat o‘tgan mavsumdagi yutuqlarimga erishishimga va murabbiyning ishonchini qozonishimga yordam berdi.

Futbolchi muvaffaqiyatga erishish yo‘lida qilgan qurbonliklari haqida ham so‘zlab berdi. U 14–15 yoshlarida mashg‘ulotlar sabab do‘stlari bilan kechalarda ishtirok etishdan voz kechgan.

Joriy mavsumda O’Rayli Enso Mareska qo‘l ostida «Manchester Siti»ning asosiy futbolchilaridan biri bo‘lib turibdi.