«Al-Ittihod» transfer oynasining so‘nggi soatlarida «Shtutgart» yarim himoyachisi Bilol El-Xannusni qo‘lga kiritish uchun jiddiy harakat qilgan.
Sky Sport Germany ma’lumotiga ko‘ra, Saudiya Arabistoni klubi marokashlik futbolchi uchun 40 million yevro miqdorida taklif kiritgan.
Biroq 22 yoshli El-Xannus Saudiya Pro-ligasiga ko‘chib o‘tishni istamagani sababli bu variantni rad etgan.
Marokashlik yarim himoyachi 2025/26 yilgi mavsumni juda yuqori saviyada o‘tkazdi. U «Shtutgart» safida barcha musobaqalarda 9 ta gol urdi va 9 ta golli uzatma amalga oshirdi.
El-Xannus 2026 yilgi jahon chempionatida ham Marokash terma jamoasining muhim futbolchilaridan biri bo‘ldi. «Atlas sherlari» musobaqaning chorak finalida Fransiyaga mag‘lub bo‘lib, turnirni tark etgan edi.
