«Ал-Иттиҳод» трансфер ойнасининг сўнгги соатларида «Штутгарт» ярим ҳимоячиси Билол Эль-Ханнусни қўлга киритиш учун жиддий ҳаракат қилган.
Sky Sport Germany маълумотига кўра, Саудия Арабистони клуби марокашлик футболчи учун 40 миллион евро миқдорида таклиф киритган.
Бироқ 22 ёшли Эль-Ханнус Саудия Про-лигасига кўчиб ўтишни истамагани сабабли бу вариантни рад этган.
Марокашлик ярим ҳимоячи 2025/26 йилги мавсумни жуда юқори савияда ўтказди. У «Штутгарт» сафида барча мусобақаларда 9 та гол урди ва 9 та голли узатма амалга оширди.
Эль-Ханнус 2026 йилги жаҳон чемпионатида ҳам Марокаш терма жамоасининг муҳим футболчиларидан бири бўлди. «Атлас шерлари» мусобақанинг чорак финалида Францияга мағлуб бўлиб, турнирни тарк этган эди.
