«Palmeyras»ning hujumkor yarim himoyachisi Rikelme Fillipi faoliyatini MLSda davom ettiradi. 19 yoshli futbolchi «Inter Mayami» safiga qo‘shildi. Bu haqda klub matbuot xizmati xabar berdi.
Transfer tafsilotlari rasman ochiqlanmagan. Biroq Transfermarkt ma’lumotiga ko‘ra, «Inter Mayami» futbolchi huquqlarining 60 foizini 4,2 million yevro evaziga sotib olgan.
Braziliyalik futbolchi Florida klubi bilan 2030 yil iyuniga qadar mo‘ljallangan uzoq muddatli shartnoma imzoladi.
Fillipi «Palmeyras» akademiyasi tarbiyalanuvchisi hisoblanadi. U klubning asosiy jamoasi safida 11 ta uchrashuvda maydonga tushgan, ammo gol yoki golli uzatma qayd etmagan.
Eslatib o‘tamiz, «Inter Mayami» safida argentinalik yulduz Lionel Messi ham to‘p suradi.
