18 yoshli vinger Rio Ngumoa yaqin vaqt ichida «Liverpul» bilan shartnomasini uzaytiradi. Bu haqda TEAMtalk xabar berdi.
Manba ma’lumotiga ko‘ra, tomonlar hamkorlikni davom ettirish bo‘yicha prinsipial kelishuvga erishgan. Yangi shartnoma tafsilotlari oshkor qilinmagan, ammo u uzoq muddatga mo‘ljallangani ma’lum.
Ngumoa 2024 yilda «Chelsi»dan «Liverpul»ga ko‘chib o‘tgan. Angliya Premyer-ligasining yangi mavsumida u ikki uchrashuvda maydonga tushdi, ammo gol yoki golli uzatma qayd etmadi.
Ngumoaning mersisaydliklar bilan amaldagi shartnomasi 2028 yilgacha amal qiladi. Transfermarkt mutaxassislari futbolchining qiymatini 30 million yevroga baholamoqda.
