18 ёшли вингер Рио Нгумоа яқин вақт ичида «Ливерпуль» билан шартномасини узайтиради. Бу ҳақда TEAMtalk хабар берди.
Манба маълумотига кўра, томонлар ҳамкорликни давом эттириш бўйича принципиал келишувга эришган. Янги шартнома тафсилотлари ошкор қилинмаган, аммо у узоқ муддатга мўлжаллангани маълум.
Нгумоа 2024 йилда «Челси»дан «Ливерпуль»га кўчиб ўтган. Англия Премьер-лигасининг янги мавсумида у икки учрашувда майдонга тушди, аммо гол ёки голли узатма қайд этмади.
Нгумоанинг мерсисайдликлар билан амалдаги шартномаси 2028 йилгача амал қилади. Transfermarkt мутахассислари футболчининг қийматини 30 миллион еврога баҳоламоқда.
